Мітынг, прысвечаны Дню Перамогі, прайшоў 8 мая. У гэты дзень былі ўскладзены кветкі на помнікі і абеліскі.

На мерапрыемстве прысутнічаў працаўнік тылу Радчык Міхаіл Мікітавіч. Старшыня Велікарыцкага сельскага савета Кірычун Віктар Мікалаевіч узнагародзіў Міхаіла Мікітавіча медалём. Ушанаванне ветэранаў і ўдзельнікаў Вялікай Айчыннай вайны – гэта неабходнасць кожнага з нас.

Вядучыя – Любоў Яўгеньеўна і Валянціна Андрэеўна – успомнілі страшныя падзеі вайны, колькасць загінуўшых...

Гучалі патрыятычныя песні, што краналі душу, у выкананні Літвінка Аляксандры, Нінічук Таццяны, Ляўчук Наталлі, Кацярыны Валянцінаўны, Таццяны Мікалаеўны, Валянціны Андрэеўны.

Медалём быў узнагароджаны айцец Анатолій за вялікую працу ў патрыятычным накірунку.

На мітынгу гучалі віншаванні і словы падзякі за мірнае неба над галавою.